應讚得讚

今天聽到最好的消息，是香港仔漁人碼頭計劃擱置；然後是發展局向立法會申請撥款在新界興建單車徑。

嘩！簡直是雙喜臨門。

那個漁人碼頭原本計劃由私人發展商承造，又是那些手信街商場食肆例牌菜，真正多一個都嫌多。聞說該區區議員對計劃遭擱置表示不滿，認為政府決定唔揼錢令南區在遊客眼中吸引力大減。

嘿！這真是歪理，用得多錢就吸引到遊客，竹蒿灣那個迪士尼樂園就唔會畀海洋公園贏足幾條街啦。錢，怎可亂用？尤其又係搞埋啲布景街之類，賣埋啲旺角、油麻地、機場及羅湖站都有得賣的優之良品、奇華手信、及（又係）迪士尼紀念品，又有乜意義？

反而政府打算興建的單車徑，才真有意思。花的公帑不過2億多點，卻能為全港市民開闢一個綠色生活空間，而且也是綠色旅遊項目，對吸引世界各地旅客，有實質裨益。看看台灣、杭州、京都，成功例子多的是。食腦的政府官員及其政策，我們應當支持。

如果有一日，政府也聽到市民對西九文化區不滿的聲音而將之擱置，那，就更美滿了。

P.S. 今天打開網誌，赫然看見有了第一個follower。貝罄君，我們素不相識，感激你對我這個“半熟博客”的錯愛，讓我覺得異常愉快，歡迎分享，歡迎留言。