看《信報》訪問黃應士有感

我都有嘢想問無線新聞部：乜特區政府有職位叫“大內總管”同埋“班長” 咩？那天看六點半新聞報道聽到記者以此暱稱特首辦主任及在政府任職最久的副局長，還以為自己襟錯台，在睇緊“星星同學會”或 likewise。

“大內總管”和“班長”。

依家係新聞報道喎，駛唔駛咁 cute 呀？

沿此發展下去，會不會有日記者會說有個13歲 “0靚妹” 0拍丸身亡，一個 “中女” 因虐待同居男友被帶返警署，一個年近四十的 “電車男” 因連續上網超過2,000小時而被列入健力士世界紀錄呢又？

要是無線新聞真的如事旦男所言只不過是事事旦旦，不如早點改口號向觀眾明言，否則，請認真對待新聞。要找娛樂，觀眾自己會做，或自己製造，是絕對不需要你們分心的。