不能饒恕的懶

上星期日讀到張堅庭寫香港為何不需要設立文學館，論點簡潔有力，因而留意上其在《明報》親子版的每周專欄。今日，他在專欄推薦熱爆華文地區的《大江大海一九四九》，我則推薦他在文末那則〈另訊〉，因為深有同感，特別抄錄於後：

另訊：商台郭志仁努力改善懶音有進步，但仍然 “生””山”不分，再努力一定得。now TV 的周凱勁的懶音真係好勁，他曾經改善，但上周又故態復萌，證明他只是懶惰。新聞部的何梓琦依然故我，足球台鄭兆聰及高志超十分嚴重（兩位都曾是我兒子的教練，冇辦法，依音直說），付費電視的球評員懶音超標，女主持亦然，罪在審核批准的主管，你哋真係好唔掂呀！而有線有位以為好幽默的懶音王，我忘了姓名，表達方法已不討好，更兼懶音嚴重，請改善一下，加強競爭力。

真係非常唔該晒張堅庭咁仔細兼不時跟進，我還有些少補充：

我時不時聽到有線電視莊安宜將“恆生銀行”讀成“杭生銀行”，唔該執執佢。另外，政府新聞處搵人錄音做電台電視廣告亦請勿是是但但，呢幾年懶音多到差啲以為政府 promote 嗰啲先至係正音，“佢”讀成 “去” 都出得街，點先依家？