饑渴誘罪 (Thirst)

電影同中文片名一樣，煞有介事，查實扭扭令令矯情造作。導演先生，送你五隻字：”偽善” 及 “大男人”。

原為愛心爆棚的神父由頭到尾都是 accidental victim，變成無血不能茍活以及忽然開竅得嚐禁果與愛情滋味乃形勢格禁，但女的則是天生蕩婦淫娃，用詭計博同情無本心為滿足慾念殺人吸血當食生菜。善與惡真係可以分得咁開？導演編劇先生，你 (哋) 呢啲咪叫做又食又拎𡁻完唱囉！彩係自己攞到盡嘅，架係人哋丟到爆嘅，咁又點會 work 呢？結果就係情理不通犯駁重重，開大了頭卻收唔到科矣。

導演編劇先生，如果你(們)肯拋開無謂的自尊 (其實我唔明寫故事點解要計較一己自尊的)，電影應該可以更可觀。從你 (們)如此寫主角神父，即知道你 (們)拒絕承認自己會擁有人性軟弱和可怖的一面，反映了你 (們)缺乏自省能力，那麼，我要提醒你 (們)，這是行人止步的訊號。