你癲我都癲

好囉喎！你哋都霸晒成條告士打道兼夾干諾道西嘅行人天橋，整埋啲不但肉酸又言不及義，後生仔連望都多餘嘅橫額影響市容以及香港嘅國際形象㗎啦，駛唔駛連港島南區都唔放過呢？黃竹坑那條行人天橋，剛剛給我發現都掛咗一條。

佢係咁寫的：

吸毒唔係 in
食咗仲會癲

我就話：

押韻唔係 in
睇完仲會癲

究竟邊個諗埋呢啲嘢？做橫額你估唔駛錢咩？我哋個個都有份畀的！諗唔到點說服後生仔的話，講少句諗清楚先再講得唔得？咁 “ 娘 ”，鬼聽得入耳咩？！

要 "抗毒！抗毒！抗毒！”，並非用 “ 件工思維 ” 數做了幾多件工作及用了幾多錢就預計得到成敗的。

有關當局，可否摘下橫額，給自己冷靜一下，再訂策略？很多已發展國家和地區如美國都覺得棘手的難題，斷估不能靠這些令人懊惱的橫額而能扭轉的。