做了《香港藝術節》及《香港國際電影節》兩個大型文化活動捧場客這麼多年，今年的觀眾最是令我失望。
《香港藝術節》我看過的五場表演之中，有四場不時受到鄰座聲浪滋擾，《香港國際電影節》我看了廿多場，也有四、五場戲遇到不大為人着想的觀眾。有時是問劇情 ( “媽咪，佢哋講緊乜?” )，有時即場旁述 ( “ 咦， 佢哋出咗去...” “ 啊，佢哋番嚟喇！” )，有時情不自禁 ( “ 劇情咁似我同我老公嘅!” )，有時是淨係想八 ( “ 嘩，跳到成個背脊出晒汗!” )。有些我聽唔明，因為係講俄文和法文；有些我聽唔到，淨係感覺到後座不斷傳來低頻聲浪吱吱唚；少不了的，還有拿零食吃時錫紙袋咔嚓咔嚓的聲音。
政府年中拍那麼多電視宣傳片，由去行山要點着衫到去街市買雞唔好吹雞屁股，應有盡有，如果可以多拍一條，教育入場看戲及各類文化藝術節目的觀眾須保持肅靜，以免騷擾其他人欣賞節目的情緒，那便功德無量矣。
依家拍得嚟差唔多了，否則的話，日後西九建好了一大批國際級表演場地，卻沒有懂得尊重表演者、尊重他人的觀眾，將會是國際級大災難。
P.S. 也想和那些喜歡一邊看一邊傾的觀眾說，其實，你們是可以選擇去香港大球場、花墟及修頓球場的，這類場地絕對歡迎一路看一路講，重可以食雞脾熱狗同甜筒兼支持香港足運，一舉多得。一於咁話啦！好嗎？
沒有留言:
發佈留言