雙面希治閣 ( Double Take )

係我表錯情，套 (又係) 偽紀錄片其實係借希治閣過橋，講 50年代到近年兩大恐怖集團 -- 美國和蘇俄鬥智鬥力鬥凶，搞到全世界永無寧日惶恐不安的紀實。現實世界，的確恐怖過希治閣電影。

今期關於 "真" 與 "假" 的議題果然紅到發紫，《雙面希治閣 》也有觸及，媒體呈現的 “ 真象 ” 究竟有幾真？ 我們在電影電視見的希治閣，原來他老人家作興有替身，幾時是真人騷，幾時是 A 貨，大家可以買齊一套 DVD 全集慢慢搵。拉回現實，近年畀人驗屍咁驗的美國月球漫步紀錄片，信佢係廠景好定實景好? 尼克遜與蘇聯總理Khrushchev 1959年著名的㕑房辯論，信佢係即興好定係有備而戰好? 尼克遜與約翰甘乃迪的總統競選辯論，收音機聽眾認為尼克遜贏晒，電視觀眾則說贏晒嗰個係甘乃迺，咁又信邊便好？電影以小布殊的廢話作結，大家拍晒手掌。

P.S. 話分兩頭，電影的確有好多希治閣和他的電影片斷，他老人家本身是冷面笑匠，見他出現已經開心。一片兩看，抵到爛。

雙面希治閣 - 電影詳情 :: 第三十四屆香港國際電影節