“ 阿婆，到總站喇，落車喇。”
“ 乜$2.5 搭晒嗱？” 拿着金屬拐杖的婆婆一臉茫然地下車。
未幾，小巴車廂又開始被各種聲音填滿。不過由於久經訓練，只要望着手上的電話看電郵或上網，我通常都可以取得如戴了耳塞一樣的靜音效果。
然而，坐在我右面兩個素顏屋邨師奶實在好嘢，她們兩人不停咀地嘰嘰呱呱，我的靜音世界，只維持了兩分鐘。
“ 佢係咪蕩失路呀。” “ 喂阿婆你去邊呀？”
原來，方才拿拐杖的婆婆，繼續神色茫然地在行人路上徘徊。
“ 吓你要去黃大仙？咁你頭先搭錯車喇，去搭地鐵就啱。”
師奶倆看見阿婆似懂非懂，有點擔心起來。七咀八舌一輪後，又再大聲提議： “ 阿婆，你上番車先啦！”
幾經催促，婆婆終於上了車。
“ 阿婆，陣間我陪你搭地鐵去黃大仙嘞。” 師奶甲關切地說。
“ 哦，我要去鑽石山哩。”
“ 阿婆，你唔係去黃大仙咩? “ 師奶乙覺得奇怪。
“ 係呀，我去黃大仙。”
“ 我諗你都係唔好陪佢去搭地鐵嘞，有咩事點算？” 師奶乙和師奶甲商量。
此時，平時不愛和人搭訕的我忍不住也來插咀。
“ 阿婆，你去黃大仙做咩呀？” 師奶丙。
探朋友？天就快黑嘞，不如番屋企，聽日至去啦。
記得住喺邊嗎？
“ 唔記得。” 婆婆說。
“ 呢隻病真係要戴個寫了地址的手鈪好啲。” 師奶乙說。
另外兩個師奶無奈地看着婆婆不住點頭。
“ 去到總站通知阿 sir 最穩陣。”
師奶甲乙丙經商量後一致同意。
落車後，我見幾步之遙的九巴總站有站長室，於是和師奶甲乙說，由我帶婆婆到那兒吧，讓站長通知警察，帶婆婆回家。
“ 阿婆，走幾步路到那間小屋，我找人帶你回家。”
婆婆卻有點猶疑。
“ 你會唔會畀人鬧㗎？”
“ 不會的。”
我走快兩步進去找站長，解釋了一下情況。
“ 她說怕我會被罵哩。”
站長先生露出了一個 “ 放心把這事交給我 ” 的笑容，然後把婆婆迎進小屋，安頓她坐下。
這樣子來結束一天，不暪你說，真愜意。
沒有留言:
發佈留言