電影《社交網絡》(The Social Network) ，把 Facebook 創辦人朱克伯格 ( Mark Zuckerberg ) 塑造成高智商低人格兼有社交障礙的渾蛋。戲對電影公司來說唔知叫收得定唔收得，但為電影造勢針對主角設計的各色負面八卦話題，包括用宅男自閉包裝自己，查實對朋友不忠不義，對女友口賤缺德，對做生意一竅不通及被 venture capitalists 及商場古惑仔全程擺布的樣衰形象，卻已通過新舊媒體不停發放，在全球無數人心中植根。
電影全球陸續上畫後兩個月，Zuckerberg 的公關機器轉守為攻，針對 The Social Network 的種種不利描寫，來一輪徹底大翻案。
今期《周末金融時報》版頭真人版 Zuckerberg 露出一個年輕開朗的 college boy 笑容，搭內頁兩大版 Facebook 成功之路分析及 Google 陣腳大亂無招可拆的劣勢，再加上側寫 Zuckerberg 在各商務發布會及與媒介交手的社交場合，在在顯現大將之風，真係乜底都洗晒。
相對於 The Social Network 的製作費 ( 有估計約為 USD 4,500-5,200萬 )，Zuckerberg 的洗底費肯定是九牛一毛。還要氣定神閒，一次過搞掂自己形象兼宣傳 Facebook 新搞作及來年宏圖，讓成手都係錢的投資者心癢難搔，話唔定明天馬上捧錢到加州 Facebook 總部懇求 Zuckerberg 受埋佢玩，正是四両撥千斤的叻人示範作。
服晒。
(點擊圖片放大)
相關連結：
FT Weekend - Facebook's grand plan for the future
網誌相關文字：
沒有留言:
發佈留言