怪誕黑家族 ( Dark Shadows )

不喜歡這齣戲的人，批評故事焦點不清，類型不明，笑話唔好笑。雖然是添 . 布頓 ( Tim Burton ) 和尊尼 . 特普 ( Johnny Depp ) 的粉絲，我又不得不承認，前兩項指稱並非無的放矢。

電影鬆散求其是鬼但的講故事手法，究其原因，我諗係呢兩條友仔，今次是想自己玩得開心行頭。雖則如此，上世紀70年代各種主義紛陳的特麗七彩美國，在他們順手拈來之下，卻又活靈活現。由音樂、服裝、造型、道具到場面設計， 不但做足資料搜集，還看得出他們把自己70年代成長期的私家喜好，義不容辭豪晒出來與眾同樂。我無屈佢哋的，如果唔係，個吸血疆屍在大宅開 ball宴客，點會無厘喇肺請當其時的 Rock 界天王 Alice Cooper 壓軸 (由真的 Alice Cooper 友情客串 ) ？ 而吸血疆屍又點會無喇喇在海邊，和他愛上的家庭教師 Victoria 一起看1970年出版，旋即風行全美的浪漫小說 Love Story？ 

至於笑話唔好笑，這點真是人見人殊。我和細我一代的 MM，一路看一路笑到咭咭聲。