低俗喜劇

電影點題一幕，是撈極唔起的電影監製，為資金周轉硬着頭皮找資深大律師前妻救命。前妻新仇舊恨忽湧心頭，破口大罵這個在她眼中不思進取、不懂轉膊的男人，由中學時期他巴巴的走去鄰班問她借錢看戲開始，從來沒有變過。

由冇錢都要睇戲到借錢都要完成部戲，彭浩翔杜汶澤夫子自道，特別覺得可歌可泣。

後記：有男同事日前瞓身推薦此戲。我說我對鄭中基真係冇興趣哩，他說鄭生只得幾場戲。我又說用粗口做笑料對我嚟講完全唔 work，佢即刻話查實呢個唔係賣點。跟著我說聽講套戲係關於大胸o靚模拍三級片，佢話其實唔多關呢樣嘢事。最後他說：“ 我即刻幫你訂飛。”

看完戲我終於明白，那個仍算年輕的男子為甚麼如此感動。在我們的行業裡，仍然充滿着粗口爛舌心裡卻懷着一團火的人，故事情節，感同身受。

又：鄭中基做廣西黑社會老大，哈，又幾好笑。