今天最大成就，是被電訊公司客戶服務部及營業部當人球拋來拋去，並用聽落似人聲其實係 loop tape，不斷重複 “ 經理不在，請留電話替你跟進” 但永無下文的廢話耍足兩個多月後，終於成功令他們承認賬單出錯，收多了的308元毋須繳付。
不計過去兩個月花掉的時間，今天早上，我要發晒爛渣拒絕收線，經左接右駁，並將事件覆述N次給N個人之後，用了足足45分鐘，感謝上天，終於撥亂反正。
為這件事花這些時間，究竟我係咪儍咗？我諗我係。
原因係我搞唔清楚，喺21世紀國際大都會，點解發老脾鬧人比講理由更 work？一間有能力將人與人的距離縮短至8個號碼的電訊公司，又點解需要兩個月才找到一個負責人為客戶一個簡單問題提供答案？
我們，是不是愈活愈回去了?
沒有留言:
發佈留言