今時今日嘅服務態度

不知道是不是因為好運，今次在台北搭了幾程的士，不論長途短途，遇到的司機先生全都友善有禮。

有一輛前座背面更貼有十大服務保障，隸屬於 “台灣大車隊” ，絕對有 consumer insight，樣樣都啱聽。其中有幾項充滿台灣特色，包括：

02. 不在車內吃檳榔；
06. 不談政治； 及
07. 不談宗教。

而第 10 項 -- 依乘客意願指定電台收聽， 簡直就是以客為尊的典範。

在香港，莫講無得揀電台，做乘客的分分鐘要收聽埋司機先生的私事，老友吹水還可，有時和電話另一端鬼咁寃氣，我直情覺得自己坐喺度阻 “訂”。

說回載我的那位 “台灣大車隊” 司機先生，第一至九項做足，至於第十項，是我沒行使我的權利，不過他亦沒有開收音機，所以總括一句，我給他10分滿分。

回到香港，在機鐵站轉的士回家，那位仁兄聽完地址，就開始口噏噏好似唸驅魔咒般𠲖𠲖吟吟，架車行兩步拋一拋，一唔係就玩飄移，今時今日竟然重有呢種 literally 令我反胃嘅服務態度，劉華，你係咪要再度出場加多兩錢肉緊做番啲嘢呢？

(點擊圖片放大)