怎揀？

都是梅酒，單看相片你選那瓶？

再對你說：左邊是順德土產，右邊是日本入口貨。

你又選那瓶？

對比國貨唔太開胃的包裝設計，加上不能自已地想起祖國科研應用神乎其技的各色前科，包括人造雞蛋、漂白坑渠蘑菇和頭髮變豉油之類， 選右邊的日本貨睇怕都是人之常情矣。

如果我再說：國產這瓶梅酒只需￥30，而右邊的 “黑糖梅酒” 盛惠港幣百多元。唔知你會唔會好似我咁諗：“嗱嗱嗱，咁平，重唔係有景轟？”

勉為其難試一口。咦，國貨梅味濃郁。要是再減一些甜度就更好。回頭再飲 “ 黑糖梅酒 ” ，甜如糖水，果味欠奉，純講味覺，輸幾條街。

不過，我的自動波防護系統又在閃紅燈：國貨連成份招紙都冇張，點知有冇加了什麼類梅味的人工東西啫？

然後 A 說： “ 人哋是順德一家有名的私房菜自己釀造的，唔駛驚青成咁卦你？ ”

是的我很驚青，不過，消費者驚青並非消費者的錯，只代表那隻商品未能予人信心。放入口的東西，心有疑惑即使價錢再平也不會刺激起購買慾。責任在彼，請深切反省。國內人來香港撲日本奶粉，同理。