甚麼是誠信？
民主黨總統參選人 Mike Morris 的年輕文膽 Stephen Meyers 和他老闆講：你可以講大話可以挑動戰爭但萬萬不可以和女見習生上床。
甚麼是底線？
同青筋一樣，只會在講到慷慨激昂之處曇花一現。冷靜下來研判形勢，唔想同你見佢前面憎佢後面的小人作政治交易的話，分分鐘就此江湖再見。底線，係用嚟改的。
甚麼是死蠢？
以為自己才華橫溢兼對老闆忠誠就會前途一片光明？你的老闆和他的政敵一樣，都係會跣你的。所以，自己的路自己睇，否則，抵你死。
***************
101分鐘的《選戰風雲》，是一堂精采絕倫的政治通識課，劇本及對白尤其出色，絕無冷場。單看前半部由佐治.古尼 ( George Clooney ) 飾演的民主黨總統參選人 Mike Morris 如何在電視辯論及各選舉論壇回答刁鑽問題，其迷人風采加上拍案叫絕的對答，已經乜都抵晒。本片由George Clooney 自編自導自演兼監製，Clooney 重鬼咁大方甘做二幫，襯托飾演年輕文膽 Stephen Meyers 的 帥哥 Ryan Gosling 上位。Gosling 幸不辱命，由打死罷就的正氣演到遭逢巨變後臉上露出陰晴不定的深沈，細緻內歛。劇終的臉部大特寫，擺明考佢牌。Gosling以實力證明，佢唔止靚仔，重係貨真價實的演技派。
完場，我忍不住鼓掌。
相關連結：
沒有留言:
發佈留言