球迷奇遇記

4月21日星期六，英超阿仙奴主場迎戰車路士。

一個長駐內地的死硬阿仙奴擁躉在大戰前夕，驚聞自己忽被派往倫敦開會，於是不理三七二十一，拼盡最後一分一秒用盡所有辦法撲飛。 

竟然，給他在臨上飛機前，於互聯網接洽到一張大賽門票。

雖然是比原價貴 N 倍的225鎊，不過，對一個睇世界杯都一定幫有阿仙奴隊員嗰隊的兵工廠忠貞份子來說，唔駛同佢求證，都知佢實係話物超所值。

去到機場，你估會唔會因為佢有大賽在身呢？櫃枱職員竟將他的經濟客位票升等去商務客位。又，你估會唔會都係因為佢有大賽在身呢？ 甫扣好安全帶，一把甜美又熟悉的聲音在他耳伴響起，抬頭一看，眼前的空中小姐，不正是他親戚嗎？

以上的神奇旅程，由我死黨 L 的老公擔演主角，幾小時前聽她口述，我嘩嘩聲完之後筆錄。

p.s. 阿喂，睇到開心啲:)