落幕

體力不支卻又不捨得。看今年電影節第一場那夜，彷佛只是昨天。

近年電影節由三星期縮減至兩星期，且不再與復活節重叠，有些想看的戲因撞期又或工作關係，由是被逼放棄。除此以外，今屆電影節再獻新猷，將一個不算少的電影數目移師九展新開幕的電影院放映，要趕下場 (或看完上一場趕來 )，有時是不可能的任務。

那個位，簡直係場駁場影迷的惡夢。

試過幾次，搭完地鐵跑上電梯衝入商場再衝過幾枝燈之後等一輪接駁巴士，嘢都食唔切趕入場不特止，完場一出字幕馬上要撲去搭小巴再轉地鐵趕去朗豪坊或更唔就的圓方。車上，不禁懷念起以前趕戲不過需要在大會堂、文化中心和藝術中心跑上跑落的好日子。

那時的影迷尋且不會在戲院內響電話，甚或傾晒偈唔收線。

牢騷發完。香港國際電影節，依然是我每年最期待的好時光。

明年再見。