魔警

* 以下文字將提及劇情。

畀着我，陳芷菁催眠吳彥祖以探索他心底糾結那條線，可以一秒不留全部剪掉。這段枝節惟一功能，是畫公仔畫出腸。其他功能 ( 如有 )，可能會係想加番啲女性角色平衡一下。無論如何，結論只得一個：多此一舉。劇本把話說白了，令電影成魔之路功虧一簣。換句話說，即是唔夠 dark。電影叫得做《魔警》，係咪可以去盡啲？

音樂也一樣。駛唔駛同劇情節奏及氣氛咁同步呢？欠了 multiplying effect 。

又：張家輝無喇喇死咗，會否因為唔夠時間交代？係的話不若考慮一下我的提議， cut 了那條催眠副線吧。

除了上述，一切你想警匪片有的元素本片全都有齊了。情節峰迴路轉，搶匪鬼打鬼一段尤其精采。飛車槍戰縱火鏡頭目不暇給，男角個個獨當一面。

如果要在吳彥祖、張家輝、廖啟智、歐錦棠、李國麟、林嘉華之中，夾硬要揀一個 best of the best，今次我會彈弓手完再彈弓手之後選林嘉華。

冇格，鬼叫 “ 爸爸 ” 這個角色討好咩！

相關網站：
《魔警》-- 第三十八屆香港國際電影節