搞乜鬼聖誕奇遇

唔，你話駛唔駛搵蘇民峰呀麥玲玲呀咁，睇吓我呢排係咪着錯咗顏色又或者要戴番啲咩水晶擋一擋呢？做乜得我近來頻頻遇到奇情異事？

看官，今日又一單。

上午在赤柱巴士總站旁的錶位停車場泊好車，在咪錶拍卡時才發現卡已無錢可扣，現場有一位警察先生，我連忙走過去：“阿 sir，我的八達通剛巧沒有錢，可不可以待我增值回來才入咪錶？”

“ 要多久？”

“ 三分鐘。”

“ 三分鐘好喇！” 阿 sir 冷冷地說。

快步過馬路到赤柱社區中心斜對面的屈臣氏，幸好收銀處沒顧客，增值完馬上又快步趕回停車場。

行到入口處我已覺得不妥當，阿 sir 站在我架車前面，手上拿着違規罰款簿，再行近一點，車頭已穩妥地插着一張罰款單！

阿 sir 見我向他行過來，瞇着眼微微在笑。

“阿 sir，我頭先同你講咗要攞張八達通去增值㗎喎！”

“ 噢！乜呢架車先係你㗎？ 我以為係隔籬嗰部添！” 他指一指泊在我部車右面的平治，微笑着說。 “ 你頭先指住呢個方向，我以為係嗰部咋！”

“ 唔好意思喎。” 他瞄一瞄車頭的罰款單。

“ 阿 sir，你話畀三分鐘時間我，我三分鐘內番到嚟，你唔係咁吖嘛？！”

阿 sir 舉起手望一望錶，沈吟了一會：“ 那我拿回去報銷吧。”

阿 sir 走後，我也入完咪錶，信步行去右面平治的咪錶望一望，咦，閃住綠燈的 — 即是話冇逾時泊車，根據咪錶顯示，泊車時間還剩下30分鐘。

推理遊戲時間：在阿 sir 面前有兩部車，一部入咗錶，一部未入。之前市民甲對他說剛泊好車但未入咪錶，需要三分鐘時間將八達通增值。根據常理，阿 sir 會估邊部車屬於市民甲嘅呢？

我重以為個答案係一字咁淺添！

劉華，我都係收番前幾日叫你去美國幫佢哋搞好啲服務質素嘅提議，你都係留番喺香港，呢度好多嘢等住你去做！

P.S. 在據理力爭之下，全球最受人推崇的大公司終於肯讓我買了三個多月的保養維修計劃生效，不過依然 “對唔住，嘥咗閣下啲寶貴時間” 都冇句。但最重要是拿回我的消費者權益，這些末節，不和他們計較了。


網站相關文字：

劉華，美國需要你。
我曾經愛過 (Someone I loved)